Дайындықсыз келетін министрлердің өздері әзірлеп әкелген заң жобасын қарап шығуға екі-ақ күн уақыт беретіні депутаттардың әбден ашуын тудырған көрінеді. Сенатор Серік Ақылбай, тура тақалғанда ғана құжатты қолтықтап жетіп, қабылдап жіберуін сұрайтын министрлер "бізді балаша алдайсыздар" деп шамданды. Алайда, депутаттардың алдына талай рет дайындықсыз келіп, сабақ білмейтін оқушы сияқты сасатын министрлер жұмысымыз қауырт деп ақталды. Шенеуніктердің жауабын депутаттармен бірге әріптесім Гүлбану Әниятқызы да тыңдап келген еді.